انور ڪليم
انور ڪليم
انور ڪليم: مشھور ڪھاڻيڪار ۽ ناول نويس انور ڪليم کوسي جو جنم 05 جون 1968ع تي ڳوٺ رئيس عبدالحق کوسي، تعلقي ميري خان، ضلعي قمبر-شھدادڪوٽ ۾ ٿيو. سندس تعليم انٽرميڊيٽ آهي. هن 1982ع ڌاري، اردوءَ ۾ ٻاراڻين ڪھاڻين سان لکڻ جي شروعات ڪئي. 1990ع ۾ سنڌيءَ ۾ ڪھاڻيون لکيون. سندس ڇپيل ڪتابن ۾: ’32‘ (2005ع: ڪھاڻيون)، ’واپسي‘ (ناول: 2020ع)، ’رجيم‘ (ناول: 2022ع)، ’ڪبوتر جواب ڳولي ٿو‘ (ناول: 2022ع) ۽ ’بوءِ‘ (ڪھاڻيون: 2022ع) شامل آهن. سندس ناول ’واپسي‘ تي کيس ”انجمن ترقي پسند مصنفين سنڌ پاران سال جي بھترين ناول جو اوارڊ“ ۽ ’حق باهو‘ تنظيم پاران ڏهه هزار روپيا انعام ڏنو ويو. سندس ساڳئي ناول جو ’The Return‘ جي نالي سان انگريزي ترجمو 2022ع ۾ لاهور مان شايع ٿيو آهي. انور ڪليم سنڌي ٻوليءَ جي منفرد ليکڪ رسول ميمڻ جي ناول ‘ڪتا’ جو اردو ۾ ۽ اردوءَ جي معروف افسانه نگار منشاياد جي اردو افسانن جو سنڌيءَ ۾ ترجمو پڻ ڪري چڪو آھي.
لفظ انور ڪليمھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1968.06.05 عيسوي
مشھور ڪھاڻيڪار ۽ ناول نويس انور ڪليم کوسي جو جنم 05 جون 1968ع تي ڳوٺ رئيس عبدالحق کوسي، تعلقي ميري خان، ضلعي قمبر-شھدادڪوٽ ۾ ٿيو.
شخصيتون - ڀاڱي جون ٻِيون داخلائون
پريل فقير پينارڏگو نور محمد
ڌڻي بخش ميمڻ
چوڌري شجاعت حسين
ٿانور ڀٽي
عبدالفتاح عابد لاشاري
ڊيوڊراس
ڇٽو فقير ڪوريجو
پريتم پياسي
بلوچ عنايت